Omtrent Naspers

         
 

 

  

Watter soort saak bou ons?
'n Toonaangewende groep internasionale media- en e-handelsplatforms.

Watter diens lewer ons aan ons gebruikers?
Vermaak, handelsgeleenthede, inligting en toegang tot hul vriende, waar hulle ook al is.

Sake-oorsig

Naspers is 'n toonaangewende multinasionale mediagroep, wat in 1915 as 'n openbare maatskappy met beperkte aanspreeklikheid ingelyf en op die Johannesburg Sekuriteitebeurs (JSE) in September 1994 noteer is. Die maatskappy het ook 'n ADR-notering op die Londense Aandelebeurs (LSE).

Oor die afgelope twee dekades het die groep ontwikkel van 'n tradisionele drukmedia besigheid in een land tot 'n breë basis e-media maatskappy in veelvuldige markte.

Die groep se hoof bedrywighede is op internetplatforms (toegespits op handel, gemeenskappe, inhoud, kommunikasie en speletjies), betaaltelevisie en die lewering van aanverwante tegnologieë en drukmedia (insluitende uitgewery, verspreiding en druk van tydskrifte, koerante en boeke). Die meeste van Naspers se besighede het leidende posisies in die mark.

Die groep se mees betekenisvolle bedrywighede vind in Suid-Afrika en elders in lande suid van die Sahara, China, Rusland, Oos-Europa, Nederland, Indië, Brasilië en Thailand plaas.

Missie en Strategie
Naspers bedryf platforms wat gebruikers aan media, e-handel, advertensies, inhoud en kommunikasiemiddele koppel.

Die strategie is om vermaak, handelsgeleenthede en inligting te voorsien, asook om gebruikers die geleentheid te bied om aan gemeenskappe deel te neem, ongeag waar hulle is.

Die groep se kundigheid lê in die volgende:

  • Verpakking van inhoud en die skep van gemeenskappe
  • Die bou van handelsmerkname rondom dit
  • Die bedryf van platforms wat mediaprodukte versprei, e-handel ondersteun en advertensies verkoop.
  • Naspers bestuur betaalintekenaars, en spits hom toe op die media-, handel- en kommunikasiebehoeftes van individuele gebruikers, en ontwikkel en verkoop ook nuttige mediategnologieë.

Die groep wil graag deur sy verskillende bedrywighede van nut wees vir die gemeenskappe wat hy bedien en gebruik sy kundigheid vir daardie doel.