Korporatiewe Bburgerskap

GEMEENSKAPPE

Die groep is aktief in sy gemeenskappe en fokus op geletterheids- en opvoedkundige programme in Afrika.

As gevolg van die aard van sy besigheid speel MultiChoice ’n sleutelrol in sy gemeenskappe. Met die strewe om ’n volhoubare impak op die land se sosioekonomiese uitdagings te hê, het MultiChoice se maatskappye verskeie inisiatiewe van stapel gestuur.

MultiChoice het ’n maatskaplike belegging-strategie ontwikkel wat by sy doelwitte aansluit. Dit sal tot breër Suid-Afrikaanse transformasie bydra. Die strategie fokus op die ontwikkeling van vaardighede wat vir MultiChoice se bedryf van deurslaggewende belang is en konsolideer sy sosiale programme in ’n enkele medium, DStv Be More.

Let’s Play, wat in 2005 geloods is, het in 2010 by die bekendstelling van die Virgin Active sportbedryf-pryse die prys ontvang vir die beste maatskaplike verantwoordelikheid in sport. Let’s Play moedig laerskoolkinders aan om aan sport deel te neem en het vennootskappe met onder meer Unicef en die departemente van basiese onderwys en sport en ontspanning aangegaan. Tydens die 2010-Fifa-wêreldbekertoernooi het Let’s Play met die plaaslike organiseringskomitee en die departement van basiese onderwys saamgespan om die My 2010 Schools Adventure-program aan te bied, waarby 7 500 skole betrek is. Deur die Let’s Play a Million-projek is 220 000 sokkerballe aan skole en gemeenskappe in die hele land versprei.

GEVALLESTUDIE – SUPERSPORT SE BETROKKENHEID BY SOKKERLIGAS IN AFRIKA

SuperSport is betrokke by die sokkerfederasies in Nigerië, Kenia, Zambië, Angola, Ghana en Uganda. In sommige gevalle is die tariewe wat SuperSport betaal om die plaaslike sokkerwedstryde uit te saai, tot 75% van hul inkomste. Ons sokkerkonsultant, Stanley Matthews, bied gereeld werksessies aan wat korporatiewe bestuurstoesig, administrasie en bestuur van die ligas verbeter. SuperSport help met die bestuur van hul webwerwe, neem plaaslike inwoners in diens en rus hulle toe met vaardighede, en belê sterk in infrastruktuur soos ateljees, uitsaaivoertuie ensovoorts. Ons help die ligas om borgskappe te kry en stel hulle in staat om aan ’n uitruilprogram met die Duitse Bundesliga deel te neem, waar administrateurs, spelers en joernaliste werksessies in Duitsland bywoon.

Toeskouergetalle het vinnig toegeneem sedert SuperSport by die federasies betrokke begin raak het – in Kenia was daar byvoorbeeld ’n toename van gemiddeld 2 000 tot 20 000 toeskouers per wedstryd.

In vennootskap met die ministeries van onderwys in Afrika-lande, het MultiChoice hulpbronsentrums as ’n leerhulpmiddel vir leerders gevestig in skole met ’n tekort aan hulpbronne. Daar word nou 900 van hierdie sentrums in 28 lande bedryf – 172 nuwe sentrums is die afgelope finansiële jaar geopen. MultiChoice voorsien en installeer dekodeerders, televisies en DVD-opnemers.

Die DStv Education-boeket word kosteloos aan MultiChoice-hulpbronsentrums verskaf. Die boeket bestaan uit agt opvoedkundige kanale: History, National Geographic, National Geographic Wild, BBC World, BBC Knowledge, Discovery, Mindset Learn en Animal Planet. Hierbenewens word opvoeders in hierdie skole opgelei om hierdie opvoedkundige programme met leerplanne te integreer.

Media24 wil hê dat alle Suid-Afrikaners moet kan lees. Daarom het die maatskappy in talle projekte belê wat opvoed, ophef en ontwikkel, veral ten opsigte van geletterdheid. Media24 het die afgelope jaar sowat R13m in gemeenskapsprojekte oor die hele Suid-Afrika belê, met die fokus op welsyn, gesondheid en onderwys. Verder het Media24 se koerante en tydskrifte gratis redaksionele en advertensieruimte beskikbaar gestel om bewustheid te skep van en ondersteuning te werf vir ’n aantal sosio-ekonomiese kwessies in die land.

Paarl Media is op sowel maatskaplike as omgewingsvlak aktief betrokke by sy gemeenskappe. Van sy huidige projekte sluit die volgende in:

• Beurstrust van R10m wat op die been gebring is vir voorheen benadeelde studente uit die Paarl-gemeenskap.
• Bystand aan die Miqlat-leersentrum in Paarl-Oos met leer- en rekenaarhulpbronne.
• Borg van die drukwerk van The Big Issue, waarvan die verkopers hoofsaaklik werkloses uit informele nedersettings in die buitewyke van Kaapstad is.
• Ondersteuning van die Internasionale Rooi Kruis-federasie en Rooi Sekel-verenigings vir voedselsekuriteitprogramme.
• Oprig van ’n kostent by die weeshuis The House in Berea waar voedsame kos sowel as vaardigheidsontwikkeling verskaf word.
• Finansiële steun en komberse wat aan The Haven Care Centre gegee is.
• Borg van ’n voertuig vir Amado, ’n organisasie wat gestremde kinders deur terapie met behulp van diere bemagtig.
• Skenking van skoolklere, skryfbehoeftes en kos aan Prissked Charities.
• Ondersteuning van Carel du Toit-sentrum, waar kinders met gehoorgestremdheid versorg word.
• Jaarlikse bydrae tot die Paarl Post Kersfondsinsameling ten behoewe van die Wes-Kaapse gemeenskapskas.
• Subsidie vir drukwerk van die Vereniging vir Blindes en Tsiba-kollege.
• Hulp aan Monte Christo Ministries met voeding skemas by skole, sopkombuise en hospitale.
• Volgehoue skenkings aan die Nasionale Seereddingsinstituut en SOS Kinderdorp.
• Vennootskap met die Paarlberg-projek om werkgeleenthede te skep deur indringerplante in die omgewing uit te roei.
• Finansiële bystand aan Helping Hand SA, ’n sendingorganisasie wat kos, klere en ander middele aan armes uitdeel.

TEN BATE VAN DIE GEMEENSKAP

MultiChoice reik uit na die plaaslike gemeenskappe waarin hy bedrywig is en ondersteun inisiatiewe soos skenkings vir rampverligting in Uganda, vir die slagoffers van modderstortings in die ooste van die land, en die boeredag-vierings in Ghana.

In Nigerië ondersteun MultiChoice die sekelsel-stigting. Ons voorsien voertuie en promosie-ondersteuning vir die stigting deur ons platform te gebruik om bewustheid van die siekte te skep en inligting oor behandeling te verskaf.

Waardevolle werk word ook gedoen in van die ondernemings waarin ons minderheidsbelange het.

• Tencent se liefdadigheidstigting het bykans RMB10m (R10,4m) geskenk vir die oprigting van skoolgeboue, koshuise en ander infrastruktuur om die gehalte van plaaslike opvoeding en skooltoestande in arm streke te verbeter. Werknemers van Tencent het ’n vrywilligervereniging gestig wat tans meer as 1 000 lede het, onder wie middel- en topbestuur onder leiding van die uitvoerende hoof, en die ruggraat van verskeie afdelings. Hulle gebruik hul vrye tyd om projekte uit te voer wat deur die Tencent-liefdadigheidstigting gefinansier word. Dit sluit projekte vir opvoedkundige ontwikkeling en die ontwikkeling van universiteitstalent in. Ander aktiwiteite sluit bystand aan bejaardes, opleiding in veilige internetnavigasie vir jongmense, en die skenking van klere aan rampgebiede in.
• In die Filippyne het Sulit aangesluit by Bayan- Anihan (’n gemeenskapsoes-beweging), ’n vennootskap tussen die departement van landbou en Gawad Kalinga, ’n organisasie wat armoede probeer bestry. Hierdie beweging fokus op die dringende kwessie van hongersnood in die Filippyne. Om sy vierde bestaansjaar te vier, het Sulit die SULITulungan-projek georganiseer – 23 werknemers en ongeveer 40 lede van die Sulit-gemeenskap het ’n plaas aan die gang gekry om aan gesinne van ’n dorpie in die Laguna-streek ’n volhoubare bestaan te bied.
• LevelUp! gebruik elke jaar virale bemarking en die ondersteuning van beroemdes om speletjiee-ntoesiaste aan te moedig om bloed te skenk, as deel van sy Life Quest-projek in samewerking met die Apro Sangue-instituut. Om boomdag te vier, bied LevelUp! ’n vasvra op sy webwerf aan, en spelerdeelname ondersteun die maatskappy se skenking van sowat 200 bome aan Tropical Flora.
• OLX in Argentinië het ’n rekenaarskenkingsprogram om skole, liefdadigheidsorganisasies en organisasies sonder winsbejag (OSW’s) in hul fokus op onderwys te help. Twaalf organisasies het baat gevind by skenkings van rekenaars en skootrekenaars wat in ’n goeie toestand is. Verder ondersteun OLX talle OSW’s wat op onderwys, geletterdheid, kwesbare kinders en persone met gestremdhede fokus.
• Ricardo neem deel aan die grootste geldinsameling insameling in Switserland, Jeder Rappen zählt (elke jaar voor Kersfees gehou), deur liefdadigheidsveilings op www.ricardo.ch aan te bied, wat deur promosiebemarking en werknemervrywilligers ondersteun word. Ricardo het ook geldinsameling vir die internasionale Rooi Kruis ondersteun. Kunswerke deur bekendes, met ’n rooi kruis daarin, is op www.ricardo.ch opgeveil. Dié projek het die gesogte Swiss Dialogue Marketing-prys vir 2011 ontvang.