Die Direksie

Samestelling

Besonderhede van die direkteure op 31 Maart 2011 word op hier.

Naspers het ’n unitêre direksiestruktuur wat toesighoudende en beherende funksies vervul. Die direksie se handves sit die verdeling van verantwoordelikhede uiteen. Die meeste direksielede is nie-uitvoerende direkteure en onafhanklik van bestuur om te verseker dat geen individu onbeperkte besluitnemingsmag en -gesag het nie. Die rolle van die voorsitter en besturende direkteur is geskei.

Mnr Boetie van Zyl tree op as die leidende direkteur in alle sake wat nie deur die onafhanklike nie-uitvoerende voorsitter hanteer word nie.

Op 31 Maart 2011 het die direksie uit 11 onafhanklike nie-uitvoerende direkteure, een nie-uitvoerende direkteur en twee uitvoerende direkteure bestaan, soos omskryf in die noteringsvereistes van die JSE. Vyf direkteure (36%) kom uit voorheen benadeelde groepe en drie direkteure (21%) is vroue. Hierdie syfers is bogemiddeld vir JSE-genoteerde maatskappye.

Die Voorsitter

Die voorsitter is ’n onafhanklike nie-uitvoerende direkteur. Hy gee leiding aan die direksie en verseker dat die direksie doeltreffend en gefokus is en as ’n eenheid funksioneer. Die voorsitter se verantwoordelikhede sluit die volgende in:

• Om algemene leiding aan die direksie te verskaf sonder om die beginsel van kollektiewe verantwoordelikheid vir direksiebesluite te beperk, en terselfdertyd direksielede se individuele pligte in ag te neem.
• Om saam met die uitvoerende hoof die direksie in kommunikasie met aandeelhouers, ander belanghebbendes en, indirek, die breë publiek te verteenwoordig.
• Om met die bystand van die direksie, sy subkomitees en die direksies en subkomitees van iliaalmaatskappye die integriteit en doeltreffendheid van die bestuurstoesigproses te verseker.
• Om gereeld met die groep se uitvoerende hoof oor bedryfsake in gesprek te wees en met ander direksielede oorleg te pleeg oor enige saak wat van belang is.
• Om in oorleg met die maatskappy se uitvoerende hoof en sekretaris toepaslike inhoud en orde van die agendas van direksievergaderings te verseker en toe te sien dat direksielede die dokumente betyds ontvang.
• Om seker te maak dat direksielede behoorlik ingelig word oor sake wat uit direksievergaderings voortspruit, en dat toepaslike inligting voorgelê word.
• Om as ’n fasiliteerder by direksie vergaderings op te tree om ’n goeie vloei van menings te verseker. Die voorsitter sorg dat genoeg tyd vir bespreking toegelaat word, en dat dit op gevolgtrekkings uitloop.
• Om die direksie se samewerking en individuele direkteure se interaksie by vergaderings te monitor. Die voorsitter vergader jaarliks met direkteure om hul prestasie te evalueer.
• Om vooraf goedkeuring te verleen aan enige verhandeling in Naspers-aandele deur direkteure van die maatskappy en sy groot iliale (soos bepaal in die JSE se noteringsvereistes).

Die Uitvoerende Hoof 

Die uitvoerende hoof rapporteer aan die direksie en is verantwoordelik vir die daaglikse sake van die groep en die uitvoer van beleid en strategieë wat deur die direksie goedgekeur is. Uitvoerende hoofde van die onderskeie ondernemings help hom met hierdie taak. Gesag wat deur die direksie aan bestuur toegesê is, word deur die uitvoerende hoof in ooreenstemming met goedgekeurde gesagsvlakke gedelegeer. Die funksies en verantwoordelikhede van die uitvoerende hoof sluit in:

• Die ontwikkeling van maatskappystrategie vir oorweging en goedkeuring deur die direksie.
• Ontwikkeling en aanbeveling by die direksie van die jaarlikse sakeplan en begroting wat die maatskappy se langtermynstrategie ondersteun.
• Monitering van en verslagdoening aan die direksie oor die prestasie van die maatskappy.
• Skep van ’n geskikte organisasiestruktuur vir die maatskappy om sy strategiese beplanning uit te voer.
• Aanbeveling/aanstelling van die uitvoerende span en versekering dat behoorlike opvolgbeplanning en prestasiebeoordelings plaasvind.
• Om te verseker dat die maatskappy aan toepaslike wette, korporatiewe bestuurstoesig-beginsels, sake-etiek en toepaslike beste praktyke voldoen.

Oriëntering en Ontwikkeling

’n Induksieprogram word aangebied vir nuwe lede van die direksie en van sleutelkomitees, wat by die behoeftes van die aangestelde individue aangepas word. Die program behels bedryf- en maatskappyspesiieke oriëntering, insluitend vergaderings met senior bestuur om ’n begrip van bedrywighede te kry. Direksielede word ook blootgestel aan die hoofmarkte waarin die groep bedrywig is. Die maatskappysekretaris help die voorsitter met die induksie en oriëntering van direkteure, en reël spesiieke opleiding indien nodig.

Die maatskappy gaan voort met die ontwikkeling van direkteure om kundigheid uit te brei en ’n begrip te skep van die ondernemings en die hoofmarkte waarby die groep betrokke is. Gedurende die afgelope jaar het prof Debra Meyer ’n mediakursus by Harvard bygewoon.

Botsings van Belange

Potensiële botsings word op toepaslike wyse bestuur om te verseker dat kandidaatdirekteure en bestaande direkteure geen belangebotsings tussen hul verpligtinge teenoor die maatskappy en hul persoonlike belange het nie. Enige belang in kontrakte met die maatskappy moet amptelik openbaar gemaak en gedokumenteer word. Direkteure moet ook by ’n beleid hou ten opsigte van die verhandeling van sekuriteite van die maatskappy.

Onafhanklinke Advies

Individuele direkteure mag, na oorleg met die voorsitter of die uitvoerende hoof, op die maatskappy se koste onafhanklike professionele advies inwin oor enige saak wat verband hou met die uitvoering van hul pligte as direkteure.

Rol en Funksie van Die Direksie

Die direksie het ’n handves aanvaar waarin sy verantwoordelikhede soos volg uiteengesit word:

• Bepaling van die maatskappy se missie en sleuteldoelwitte.
• Bepaling van die groep se waardes en nsluiting daarvan by die etiese en gedragskode; versekering dat nakoming van hierdie kodes met die werk van die groep geïntegreer word.
• Verskafing van strategiese leiding aan die maatskappy, met verantwoordelikheid vir die aanvaarding van strategiese planne.
• Monitering van die maatskappy se finansiële prestasie asook prestasie op maatskaplike en omgewingsgebied.
• Monitering van voldoening aan belangrike wette, kodes en standaarde.
• Identiisering van wesenlike belanghebbendes en monitering van bestuur se interaksieproses.
• Goedkeuring van die jaarlikse sakeplan en begroting wat deur bestuur opgestel word, met inagneming van volhoubaarheidsaspekte.
• Behoud van effektiewe beheer oor die maatskappy, en monitering van bestuur se uitvoering van die goedgekeurde jaarlikse begroting en sakeplan.
• Toesig oor die opstel en goedkeuring van die finansiële jaarstate (vir aanvaarding deur aandeelhouers), tussentydse, voorlopige en geïntegreerde verslae (soos nagegaan deur die ouditkomitee) en versekering van die integriteit en redelike aanbieding daarvan.
• Oorweging en, indien gepas, verklaring van dividende wat aan aandeelhouers betaal word.
• Evaluering van die maatskappy en die groep se lewensvatbaarheid as ’n lopende saak, en behoorlike dokumentering van sodanige evaluering.
• Bepaling van die keuring en oriëntering van direkteure.
• Aanstelling van die uitvoerende hoof en finansiële direkteur, en versekering dat opvolging beplan word.
• Stigting van geskikte subkomitees met duidelike opdragte en verantwoordelikhede.
• Aanstelling van die voorsitter van die direksie en sy subkomitees./li>
• Jaarlikse evaluering van die prestasie en doeltreffendheid van direkteure, die direksie in die geheel en sy subkomitees.
• Versekering dat die maatskappy toereikende risikobestuur toepas, deur risikobestuurstelsels en -prosesse wat die direksie in staat stel om risikoverdraagsaamheidsvlakke te bepaal.
• Versekering dat ’n doeltreffende isikogebaseerde interne oudit gedoen word wat die direksie in staat stel om in die maatskappy se geïntegreerde jaarverslag oor die doeltreffendheid van die maatskappy se nterne beheerstelsel verslag te doen.
• Bepaling van die vlakke van delegering ten opsigte van spesiieke sake, met toepaslike gesag wat aan subkomitees en bestuur gedelegeer word.
• Bepaling van die maatskappy se kommunikasiebeleid.
• Toepaslike kommunikasie met aandeelhouers en betrokke belanghebbendes.
• Versekering dat prosesse bestaan om geskille op te los. Alternatiewe geskiloplossing sal oorweeg word waar gepas.
• Jaarlikse hersiening van die handveste van die direksies van die groep se groot iliaalmaatskappye, en hul selfevaluering van voldoening aan hierdie handveste, om te bepaal of Naspers se direksie op die werk van die iliaalmaatskappye se direksies kan staatmaak.
• Jaarlikse hersiening van die handveste van die direksie se subkomitees.

Direksievergaderings en Bywoning

Die direksie vergader minstens vier keer per jaar, of wanneer nodig. Die uitvoerende komitee skenk aandag aan dringende sake wat nie tot die volgende geskeduleerde vergadering kan wag nie. Die direksie het gedurende die afgelope finansiële jaar vyf keer vergader. Onafhanklike nie-uitvoerende direkteure vergader minstens een keer per jaar sonder die uitvoerende hoof, finansiële direkteur en voorsitter, om die prestasie van hierdie persone te bespreek.

Die maatskappysekretaris tree as sekretaris vir die direksie en sy subkomitees op en woon alle vergaderings by. Besonderhede van bywoning van vergaderings verskyn op hier.

Evaluering

Die nominasiekomitee voer die jaarlikse evalueringsproses uit. Die prestasie van die direksie en sy subkomitees, asook die direksievoorsitter, word teenoor hul onderskeie mandate ooreenkomstig die direksie se handves en dié van sy subkomitees geëvalueer. Die subkomitees doen selfevaluerings teenoor hul handveste vir oorweging deur die direksie.

Hierbenewens word die prestasie van elke direkteur met behulp van ’n evalueringsvraelys deur die ander direksielede geëvalueer. Die voorsitter van die nominasiekomitee bespreek die resultate met elke direkteur en kom ooreen oor enige opleidingsbehoeftes of aspekte waaraan daardie direkteur aandag moet gee. Indien ’n direkteur se prestasie nie as bevredigend beskou word nie, sal die direksie nie aanbeveel dat hy/sy herkies word nie.

’n Gekonsolideerde opsomming van die evaluering asook enige aksies wat nodig is, word aan die direksie voorgelê en bespreek. Die leidende onafhanklike direkteur lei die bespreking van die voorsitter se prestasie, met verwysing na die resultate van die evalueringsvraelys, en gee terugvoer aan die voorsitter.

Die jaarlikse evalueringsproses het getoon dat die direksie en sy subkomitees goed gefunksioneer het en hul pligte ooreenkomstig die mandate in hul handveste nagekom het. Voorts is die onafhanklikheid van elke direkteur geëvalueer. Die direksie het vasgestel dat hoewel sommige direkteure nege jaar of langer as lid dien, hulle almal bewys gelewer het van hul onafhanklikheid van aard en oordeel, en dat daar geen bande of omstandighede is wat moontlik of skynbaar hul onafhanklikheid sou kon aantas nie.